Crownmark Gamesសេចក្តីជូនដំណឹងពី Crownmark Games
យើងបានឃើញអ្នកលេងលើកឡើងពីការបារម្ភថា អ្នកលេងខ្លះអាចមានឥទ្ធិពលលើការសម្រេចចិត្តរបស់ក្រុមការងារ។ យើងយល់ពីការបារម្ភនេះ ព្រោះអ្នកទាំងអស់គ្នាបានចំណាយពេល និងខំលេង JX2 Royal កន្លងមក។ យើងចង់ឱ្យអ្នកស្គាល់ក្រុមការងាររបស់យើងកាន់តែច្បាស់ ថាក្រុមណាធ្វើអ្វី ហើយយើងមានគម្រោងអ្វីខ្លះទៅមុខ។
Crownmark Games ជាក្រុមហ៊ុនដែលដំណើរការ JX2 Royal។ យើងបែងចែកការងារជា Support, Technical & Development, Game Operations និង Business។ ផ្នែកនីមួយៗមានការងាររបស់ខ្លួន ហើយធ្វើការជាមួយគ្នា ទាំងរឿងជួយអ្នកលេង ប្រព័ន្ធហ្គេម Game Economy, Balance និង J-Points។
មានសំណួរ ឬជួបបញ្ហាពេលលេង អ្នកអាចទាក់ទងក្រុម Support តាម Telegram និង Facebook ផ្លូវការរបស់យើង។ ក្រុមនេះចាំឆ្លើយសំណួរ និងជួយដោះស្រាយបញ្ហា។ បើមានរឿងដែលក្រុមបច្ចេកទេស ឬផ្នែកផ្សេងត្រូវជួយបន្ត ក្រុម Support នឹងបញ្ជូនបញ្ហានោះទៅផ្នែកដែលទទួលបន្ទុក។ យោបល់ និងអ្វីដែលអ្នកលេងស្នើឱ្យកែ ក៏នឹងត្រូវផ្ញើទៅក្រុមដែលមើលការងារនោះ ដើម្បីពិនិត្យដែរ។
ក្រុម Technical & Development របស់យើងធ្វើការនៅ Sydney ប្រទេសអូស្ត្រាលី។ ក្រុមនេះជាអ្នកបង្កើតប្រព័ន្ធ ធ្វើ Update និងមើលថែផ្នែកបច្ចេកទេស ដើម្បីឱ្យហ្គេម និងសេវាកម្មរបស់យើងដំណើរការបាន។
នៅកម្ពុជា យើងកំពុងពង្រីកក្រុម Business និងមានគម្រោងបើក Head Office នៅទីនេះឆាប់ៗ។ ក្រុមនេះធ្វើការជាមួយដៃគូក្នុងស្រុក ដើម្បីឱ្យយើងអាចរៀបចំ Event និងផ្តល់ឱកាសកាន់តែច្រើនដល់អ្នកលេង។
យើងចង់ឱ្យ JX2 Royal ដំណើរការបានយូរ ហើយក្រុមហ៊ុនក៏រីកចម្រើនទៅមុខជាមួយគ្នា។ ការងារដែលយើងធ្វើរាល់ថ្ងៃមានទាំងការមើលថែ Gameplay, Game Economy, Balance និង J-Points។ Fair Play ក៏ជារឿងដែលយើងត្រូវយកចិត្តទុកដាក់ជាប្រចាំដែរ។
Crownmark Games ជាអ្នកសម្រេចលើការដំណើរការ និងការកែប្រែ JX2 Royal។ យើងយកយោបល់ និងសំណើរបស់អ្នកលេងមកពិនិត្យ ដើម្បីដឹងថាគួរកែលម្អត្រង់ណាខ្លះ។ ពេលដោះស្រាយបញ្ហារវាងអ្នកលេង ក្រុមការងារមិនលំអៀងទៅខាងណាមួយទេ។ រាល់ការកែប្រែហ្គេម យើងគិតពី Fair Play និងអ្វីដែលល្អសម្រាប់អ្នកលេងទាំងអស់។
យើងកំពុងវិនិយោគលើវិស័យហ្គេមនៅកម្ពុជា ហើយមានគម្រោងសម្រាប់រយៈពេលវែង។ យើងក៏ចង់គាំទ្រការប្រកួត JX2 និងជួយឱ្យ Esports នៅកម្ពុជារីកចម្រើន។ ឥឡូវនេះ យើងកំពុងពិភាក្សាជាមួយដៃគូអំពីគម្រោងរៀបចំការប្រកួត ហើយក៏កំពុងរកទីតាំងសមស្របផងដែរ។ ក្នុងនោះមានការពិភាក្សាជាមួយ Chip Mong Mall និង D Roar។ ពេលមានព័ត៌មានបន្ថែម យើងនឹងជម្រាបជូនអ្នកទាំងអស់គ្នា។
យើងនឹងបន្តមើលថែហ្គេម រក្សា Fair Play និងធ្វើឱ្យ JX2 Royal ជាកន្លែងដែលអ្នកទាំងអស់គ្នាអាចបន្តលេងជាមួយគ្នាបានយូរ។ អរគុណអ្នកទាំងអស់គ្នាដែលគាំទ្រ JX2 Royal។
Crownmark Games